CE-merking skal vera skýr og varanleg.

Ef persónuhlíf er með öðrum merkingum svo sem stærðarmerkingum, umhverfismerkingum o.þ.h. þá skulu þær merkingar vera þannig að þær valdi ekki misskilningi eða skyggi á CE-merkinguna.

CE-merkingum skulu hins vegar í einstaka tilfellum fylgja frekari merkingar sem sýna sérstök not búnaðarins. Þetta á fyrst og fremst við um hanska og hlífðarfatnað.

Í  reglum nr. 501/94 um gerð persónuhlífa er fjallað um upplýsingamerki og önnur auðkenni sem sett eru á persónuhlífar.
Þar segir í I. viðauka, gr. 2.12:

"Persónuhlífar með eitt eða fleiri auðkenni eða upplýsingamerki sem beinlínis eða óbeinlínis varða hollustu og öryggi Æskilegt er að auðkenni og upplýsingamerki sem beint eða óbeint varða hollustu og öryggi og sett eru á persónuhlífar af þeim gerðum eða flokkum sem hér um ræðir séu samræmdar skýringarmyndir eða táknmyndir og verða þau að haldast fullkomlega læsileg meðan á öllum fyrirsjáanlegum nýtingartíma stendur. Merkin skulu auk þess vera gerð til hlítar, nákvæmlega og skiljanlega þannig að komið sé í veg fyrir mistúlkun þeirra; orð eða setningar sem þeim kunna að fylgja skulu vera letruð á opinberu máli eða málum þess aðildarríkis þar sem persónuhlíf er notuð. Nú er persónuhlíf, eða íhluti hennar, of smá til að nauðsynleg merking komist þar fyrir að öllu eða einhverju leyti og skulu þá viðeigandi upplýsingar veittar á umbúðum og í notkunarleiðbeiningum framleiðanda."

Í staðli EN 340:2003 er fjallað m.a. um auðkenni og upplýsingamerki. Staðallin heitir “Hlífðarfatnaður – Almennar kröfur” og er seldur hjá Staðlaráði Íslands.

Í staðlinum segir að mælt sé með því að tölur séu ekki smærri en 2 mm og upplýsingamerki ekki smærri en 10 mm að meðtöldum ramma. Einnig er mælt með því að upplýsingamerkin séu svört á hvítum grunni. Upplýsingamerki sem vara við lífshættu ættu að vera á ytra byrði vörunnar.

 Tafla 1 - Upplýsingamerki - Táknmerki (sbr. staðall EN 340:2003):

Tafla 2 - Upplýsingamerki sem segja til um ætluð not hlífðarfatnaðarins (sbr. staðall EN 340:2003):

Mynd 1 - Grunnur að táknmynd sem upplýsir um vörn hlífðarfatnaðar (ISO 7000-2410):

Mynd 2 - Notkunarleiðbeiningar (ISO 7000-1641):

Í reglum nr. 707/1995 um öryggis- og heilbrigðismerki á vinnustöðum er m.a. kveðið á um lágmarkskröfur um skilti  eins og boðmerki varðandi notkun persónuhlífa á vinnustað.

Senda fyrirspurn

   Bíldshöfða 16 -110 Reykjavík
   sími: 550 4600 - fax: 550 4610

Þessari síðu var síðast breytt;
09. maí 2011