CE-merkið er merki um samræmi, þ.e.a.s.
staðfesting á að varan uppfylli þær grunnkröfur um heilsu og öryggi eins og þeim
er lýst í reglum
nr. 501/1994 um gerð persónuhlífa (og í tilskipun
89/686/EB).
CE-merkið er því ekki gæðastimpill umfram þá staðfestingu.
Framleiðandi skal merkja hverja persónuhlíf með CE-merkinu.
Merkið skal sett á hverja framleidda persónuhlíf þannig að það sé óafmáanlegt.
Sé því ekki við komið vegna eiginleika vörunnar má setja merkið á umbúðirnar.
Ef samþykktur aðili tekur þátt í eftirliti með framleiðsluferlinu skal bæta
framan við CE-merkið kenninúmeri samþykkta aðilans. – Þetta á við um
persónuhlífar í flokki III.
Aðferðir við CE merkingar má finna í reglum
nr. 957/2006 um aðferðareiningar fyrir hin ýmsu þrep samræmismatsins og
reglur um áfestingu og notkun CE-samræmismerkja sem ætlað er að nota í tilskipun
um tæknilega samhæfingu.
Ekki er vitað nákvæmlega hver uppruni skammstöfunarinnar CE er. Þó er kenning
flestra að það sé skammstöfun á Communauté Européenne, sem þýðir Evrópusamfélagið,
eða skammstöfun á Conformité Européenne sem þýðir evrópskt samræmi.
Útliti CE-merkisins er lýst á þessari teikningu:
